Day 12 - 愛、回家
由於今次的機票是用里數更換的,旺季期間又怎會訂到晚上回港的超旺航班呢!
今早未到七時便已到達南海電鉄難波站,選乘最便宜的南海特急到關西空港,只需890日元,需時約四十五分鐘。
未到八時已到達關西國際空港,十五分鐘後便check-in完寄好行李,在機場轉了兩圈,幸好沒甚麼收穫,否則又要加重負擔,見時間差不多,便到閘口登機。
航班準時起飛,機艙內並沒滿座,聽空姐間閒聊,多達五十個座位沒人坐!怪不得空姐們可以有時間閒談了。
乘客中大部份是到港旅遊的日本人,像我回港的香港人並不多!旅行團更一個也沒有!
航班比預定時間足足早了四十五分鐘,未到中午十二時半,已抵達香港國際機場。
原本十二公斤重的行李,現在變成二十八公斤。
沒人接機怪可憐的!幸好之後收到一個溫馨的短訊!
行李內裏有食的、用的,
和這七個手袋。
除此之外,伴我回家的還有腳指上那久久不退的水泡!
17 comments:
好"厲害"買七個袋, 一日換一個都要一星期, 哈哈!
歡迎歸隊!
我都覺得7個袋,太瘋狂了~~
你個喼好似好小,有28kg?唔似
有三個是為他人走水貨的!
Ellen,
我個喼是可以加闊的!
lamlamma,
我一落機就自自然然諗起要入數做粮單、新老師註冊la!陰公!你句「歸隊」真是可圈可點噃!
不用擔心, 我還在放假中, 我下星期一先要歸隊, 妳星期六不是長同, 妳早我一日早返公司, 我粮單及入數一D都未做, 有我陪妳!
我第一次一個人去關西都曬到皮膚敏感同埋行到腳痛左幾日,不過好似無出水疱咁勁。
我第一次去東京都掃左 X 個 Porter,全部好好用到現在。
我睇中果本四國遛遛步,仲買左邊幾本?
意粉,
我都唔明點解會生水疱?
Wordy,
一本是千葉房總,其餘兩本是萊少要買的東北Drive和東京2008!
咁早松風庵係咪未開?
好多tiramisu巧克力啊~柚子喉糖係咪maymay話好味果款?
唔該晒劉鄧,等我好好刨下drive東北先 ^__^
好多agnes b喎! 我都買o左左前黑色那一個!
28kg?!, 你比我強喎, 我得20kg咋! ^.^
一個人之旅, 係會(要)出水泡的... 無得解!
Roy,
手信嘅嘢,買嘅時候嫌多,返來就唔夠派!
朱古力是同事託買的。
柚子糖我見到就買,唔知是否Maymay所講那隻。
小彭,
你那些唔喺用郵便寄返香港嗎?
我好多手信都買得遲,所以無選擇寄。
呢隻唔係我講嗰隻柚子軟糖啊!
嘻嘻~我已經見到我柯打的手信!
係上次由名古屋返香港, 得20KGS!
只得一個人, 28KGS, 根本無可能拎生果啦!
小彭,
我仲要由中津坐地鉄到難波,之後再轉南海電鉄,我都覺得自己好厲害!
Maymay,
你見到嗰個唔喺你嘅,你order嗰個在紙袋入便!
好緊張呀,唔知邊份係我嘅呢?
28 kg 櫃台小姐有冇畀面色你睇呀?
絕對係不留情地掃貨喎~~
Wow, this is such a super trip.
Makes me very envious.
I love Kansai too!
Post a Comment